Իսպանիայում Հայաստանի նախկին դեսպան Ավետ Ադոնցը նշանակվել է արտաքին գործերի նախարարի տեղակալ: ՀՀ վարչապետ Նիկոլ Փաշինյանը ստորագրել է համապատասխան որոշումը:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Ավետ Ադոնցը նշանակվել է արտաքին գործերի նախարարի տեղակալ»,- ասվում է որոշման մեջ:
2009-2014թթ․ Ադոնցը ՀՀ դեսպանն էր Բելգիայում, համատեղության կարգով նաև ԵՄ-ում, Նիդերլանդներում և Լյուքսեմբուրգում։