Իսրայելական Aeronautics Defense Systems ընկերությանը կրկին թույլատրվել է Ադրբեջանին վաճառել հայկական կողմի դեմ կիրառված մահաբեր դրոնները, որոնք կարող են պայթուցիկ կրել: Իսրայելի պաշտպանության նախարարությունը չեղարկել է «մահապարտ» անօդաչուները Բաքվին վաճառելու արգելքը: Այդ մասին հայտնել էThe Times of Israel-ը:

Orbiter 1K անօդաչուները կարող է են մինչև 2 կգ քաշով պայթուցիկ կրել:

Փետրվարի 4-ին ընկերությունը Թել Ավիվի բորսային տեղեկացրել է, որ «մահապարտ» անօդաչուները Բաքվին վաճառելու արգելքն այլևս չի գործում:

2018-ի օգոստոսին Իսրայելի դատախազությունը մեղադրանք էր ներկայացրել անօդաչու թռչող սարքեր արտադրող Aeronautics Defense Systems ընկերությանը՝ անօդաչուների ցուցադրման ժամանակ Ադրբեջանի խնդրանքով հայ զինվորներին Արցախում ռմբակոծելու համար: Զենքի վաճառքը կասեցնելու մասին որոշումն ընդունվել էր այն բանից հետո, երբ ընկերությունն Ադրբեջանի հարցումով փորձարկել էր Orbiter 1K տիպի անօդաչու սարքերը Լեռնային Ղարաբաղի հայկական դիրքերի ուղղությամբ:

Ըստ ԶԼՄ-ների, իսրայելյան ընկերության 2 աշխատակից հրաժարվել է դա անել, սակայն, այնուամենայնիվ, ընկերության 2 բարձրաստիճան ներկայացուցիչ համաձայնել է գրոհ իրականցնել:Ըստ գեներալ Արմեն Գյոզալյանի, 2016-ի հուլիսի 7-ին նման փորձարկման արդյունքում 2 հայ զինվոր է վիրավորվել: