Մարտի 31-ին Թուրքիայում կայացած ՏԻՄ ընտրություններում Կարս և Իգդիր նահանգներում հաղթել է քրդամետ Ժողովուրդների դեմոկրատական կուսակցությունը (HDP)։
Ըստ երկրի կենտրոնական ընտրական հանձնաժողովի տվյալների, կուսակցությունը նահանգներում առաջ է անցել Ազգայնական շարժում կուսակցությանը (MHP)։
Քրդամետ ուժը հաղթել է նաև երկրի հարավ-արևելյան նահանգներում՝ Դիարբեքիրում, Բաթմանում, Սիիրթում, Մարդինում, Վանում, Հաքքարիում։
Ներկա պահին մշակվել է քվեաթերթիկների 99․01%-ը․ ձայների 44.42 %-ով ՏԻՄ ընտրություններում հաղթել է իշխող Արդարություն և զարգացում կուսակցությունը, երկրորդ տեղում Ժողովրդական հանրապետական կուսակցությունն է (CHP)՝ 30.07 %, երրորդում Լավ կուսակցությունն է՝ 7.46 %, չորրորդում՝ ազգայնականները՝ 7.25 %։