Սեպտեմբերի 26-ին Նյու-Յորքում կայացել է Հայաստանի, Թուրքիայի եւ Ադրբեջանի ԱԳՆ ղեկավարներ Էդվարդ Նալբանդյանի, Ալի Բաբաջանի ու Էլմար Մամեդյարովի եռակողմ հանդիպումը: Այդ մասին PanARMENIAN.Net-ին հաղորդել են ՀՀ ԱԳՆ մամլո ծառայությունում: Հանդիպման ընթացքում երեք երկրների արտաքին քաղաքական գերատեսչության ղեկավարները քննարկել են տարածաշրջանային վերջին զարգացումները եւ Կովկասյան կայունության եւ անվտանգության պլատֆորմի ստեղծման նախաձեռնությունը:

Նախքան եռակողմ հանդիպումը Էդվարդ Նալբանդյանը հանդիպում է ունեցել Ալի Բաբաջանի հետ: Հայաստանի եւ Թուրքիայի արտգործնախարարները, երկու երկրների նախագահների հանձնարարությամբ, շարունակել են հայ-թուրքական հարաբերությունների կարգավորման վերաբերյալ քննարկումները: