Լեռնային Ղարաբաղի Հանրապետության նախագահական ընտրությունների ընթացքին հետեւելու համար Ստեփանակերտ է ժամանել տարբեր երկրների եւ միջազգային կազմակերպությունների շուրջ երեսուն ներկայացուցիչ: Մասնավորապես, ԼՂՀ մայրաքաղաքում են գտնվում ԱՄՆ Պետդեպարտամենտի ներկայացուցիչներ Ջեյմս Հուփերը, Ռիչարդ Վիթսը եւ Լյուիս Մելլը, Հարավսլավիայի ԱԳՆ ներկայացուցիչ Վլադիմիր Մատիչը, Մարդու իրավունքների հելսինկյան ասոցիացիայի բրիտանական խմբի պատվիրակությունը, ՌԴ Պետդումայի պատգամավորներ եւ փորձագետներ , Ժողովուրդների եւ մարդու իրավունքների պաշտպանության միջազգային լիգայի (lIDLIP) ներկայացուցիչները, ինչպես նաեւ դիտորդներ այլ երկրներից եւ կազմակերպություններից, այդ թվում նաեւ չճանաչված պետություններից` Աբխազիայից, Հարավային Օսիայից եւ Մերձդնեստրից: Այսօր կժամանեն պատվիրակություններ Հայաստանից եւ Ֆրանսիայից: