Լեռնային Ղարաբաղի Հանրապետությունում ժողովրդավարական նախագահական ընտրությունների անցկացումն արեւմտյան արժեքներին ԼՂՀ ժողովրդի կողմնակցության եւս մեկ ապացույց է, ինչը արեւմտյան երկրներին կստիպի ճանաչել Լեռնային Ղարաբաղը` որպես ինքնիշխան պետություն: Այդ մասին «Ամերիկայի ձայն» ռադիոկայանին հայտարարել է ԱՄՆ Կոնգրեսի անդամ Ֆրենկ Պալոնեն, որը մտադիր է հետեւել ԼՂՀ-ում նախագահական ընտրությունների ընթացքին: Լեռնային Ղարաբաղը որպես պետություն փաստացիորեն գոյություն ունի` անկախ այն բանից, թե մյուս երկրները ճանաչում են արդյոք այդ փաստը, նշել է կոնգրեսականը: Չէ որ ԼՂՀ-ն տիրապետում է անկախ պետության բոլոր ատրիբուտներին, ինչպիսիք են` խորհրդարանի եւ նախագահի ժողովրդավարական ընտրությունների անցկացումը: