9 նոյեմբերի 2019 - 15:49 AMT
ՊՆ-ն արդի տեխնոլոգիաների մշակման խմբում զինծառայության նշանակելու ընտրության մրցույթ է հայտարարել

ՀՀ պաշտպանության նախարարությունը մրցույթ է հայտարարել զինված ուժերի արդի տեխնոլոգիաների մշակման խմբում զինվորական ծառայության նշանակելու ընտրության նպատակով։ Այս ամսին հաղորդում է ՀՀ ՊՆ մամուլի ծառայությունը։

Մրցույթն անցկացվում է «Հայտեք» կիբեռանվտանգության կենտրոնի հետ համատեղ, մասնակցել կարող են 2019թ. ձմեռային զորակոչին ենթակա զորակոչիկները` հետևյալ մասնագիտություններով՝ ծրագրավորում, ցանցային/համակարգային ադմինիստրացիա, կիբեռանվտանգություն:

Մրցույթին մասնակցելու ցանկություն ունեցող զորակոչիկները մինչև ս.թ. դեկտեմբերի 1-ը կարող են գրանցվել atmk.mil.am կայքում: Հարցերի համար գործում է էլ. փոստ՝ atmk@mil.am, հեռախոս՝ +374 10 294416: