Եթե ԱՄՆ-ի նորընտիր նախագահ Բարաք Օբաման ճանաչի Հայոց ցեղասպանությունը, ապա դա կնշանակի, որ նա «անիրական բաները որպես իրողություն է ներկայացնում»: Այդ մասին հայտարարել է Աբդուլլահ Գյուլը բելգիական Le Vif/L'Express ամսագրին տված հարցազրույցում: Նրա խոսքերով, քաղաքական գործիչները չպետք է զբաղվեն այդ հարցով: «Ոչ ոք չպետք է մոռանա այն փաստը, որ թուրքերն ու հայերը խաղաղ ապրել են միասին դարեր շարունակ: Եվ այդ իրադարձությունները միակ խնդիրն է երկու ժողովրդների միջեւ, որ տեղի է ունեցել Առաջին աշխարհամարտի առանձնահատուկ պայմաններում»,-ասել է Գյուլը: