ՌԴ նախագահ Վլադիմիր Պուտինը Միխայիլ Միշուստինին նշանակել է վարչապետի պաշտոնում՝ ստորագրելով համապատասխան հրամանագիրը, հայտնում է ՌԻԱ Նովոստին:
Մինչև այս Միշուստինը ՌԴ Դաշնային հարկային ծառայության ղեկավարն էր:
Մեկ այլ հրամանագրով Պուտինն ազատել է կառավարության նախագահի ժամանակավոր պաշտոնակատարի պաշտոնից Դմիտրի Մեդվեդևին և նշանակել նրան ՌԴ Անվտանգության խորհրդի ղեկավարի տեղակալ:
Ավելի վաղ Պետդուման հաստատել էր Միշուստինի թեկնածությունը վարչապետի պաշտոնում: Կողմ էր քվեարկել 383 պատգամավոր, 41 պատգամավոր ձեռնպահ էր մնացել: