Շվեդացի ակտիվիստ Գրետա Թունբերգը հայտարարել է իր անունով ապրանքանիշերի և իր նախաձեռնած դպրոցականների շարժման անվանումը գրանցելու մեկնարկի մասին:
«Իմ անունն ու շարժումն օգտագործում են կոմերցիոն նպատակներով առանց իմ համաձայնության: Այս գործողությունները կպաշտպանեն շարժումն ու դրա գործունեությունը»,- ասել է նա՝ պարզաբանելով գրանցման հայտը:
Ըստ Թունբերգի՝ նա մտադիր է իր անունով պատենտավորել առևտրային նշաններ, ի պաշտպանություն կլիմայի իր նախաձեռնած դպրոցականների միջազգային շարժման անվանումը՝ Fridays For Future, որի շվեդական անվանումն է Skolstrejk for klimatet, գրում է «Վեդոմոստին»:
2019-ին 17-ամյա շվեդացի ակտիվիստը ճանաչվել էր «Տարվա մարդ»: Այդ անվանակարգում նա առաջ էր անցել ԱՄՆ նախագահ Դոնալդ Թրամփից, Facebook-ի հիմնադիր Մարկ Ցուկերբերգից և ՉԺՀ նախագահ Սի Ծինփինից:
Թունբերգը հայտնի դարձավ, երբ սկսեց գործադուլ անել Ստոկհոլմի խորհրդարանի առջև՝ հրաժարվելով ուրբաթ օրերը դպրոց հաճախելուց այնքան ժամանակ, քանի դեռ քաղաքական գործիչները չեն լսել իրեն և չեն սկսել կատարել Կլիմայի վերաբերյալ Փարիզյան համաձայնագիրը:
Թունբերգը ելույթ էր ունեցել Նյու Յորքում՝ կլիմայի փոփոխություններին նվիրված ՄԱԿ գագաթնաժողովում՝ իր զգացմունքային խոսքում անգործության մեղադրանք ներկայացնելով քաղաքական գործիչներին: