Վլադիմիր Պուտինը Տիգրան Սարգսյանին. «Մենք ունենք խոսելու բան»
Այսօր Մոսկվայում կայացել է Հայաստանի եւ Ռուսաստանի վարչապետներ Տիգրան Սարգսյանի եւ Վլադիմիր Պուտինի հանդիպումը: Ինչպես հաղորդում է Ռուսաստանի կառավարության մամլո ծառայությունը, հանդիպման ընթացքում Վլադիմիր Պուտինը գոհունակությամբ նշել է, որ Հայաստանի եւ Ռուսաստանի միջեւ հարաբերությունները բավական հաջող կերպով են զարգանում, ընդ որում, գրեթե բոլոր ուղղություններով` եւ էներգետիկայի, եւ մյուս ճյուղերում: «Մեզ մոտ նախագծեր են իրականացվում, մենք համագործակցության մեծ ծավալ ունենք, եւ ես վստահ եմ, որ Ձեր այցը շատ գործնական, օգտակար ու կոնստրուկտիվ է լինելու. մենք ունենք խոսելու բան»,- նշել է նա:
Տիգրան Սարգսյանն իր հերթին Հայաստանի նախագահի, կառավարության եւ ողջ հայ ժողովրդի անունից ցավակցություն է հայտնել Մոսկովյան եւ Համայն Ռուսիո Հայրապետ Ալեքսիյ II-ի վախճանի կապակցությամբ:
Մոսկովյան եւ Համայն Ռուսիո Սրբազան Հայրապետ Ալեքսիյ II-ը վախճանվել է այսօր առավոտյան: Մոսկովյան հայարպետության հաղորդմամբ Ալեքսիյ II-ի մահվան պատճառը սրտի անբավարարվածությունն էր: Ռուս ուղղափառ եկեղեցու առաջնորդը մահացել է այն բանից հետո, երբ վերադարձել է Գերմանիայից, որտեղ անցնում էր բուժման հերթական կուրսը:
Տիգրան Սարգսյանն իր հերթին Հայաստանի նախագահի, կառավարության եւ ողջ հայ ժողովրդի անունից ցավակցություն է հայտնել Մոսկովյան եւ Համայն Ռուսիո Հայրապետ Ալեքսիյ II-ի վախճանի կապակցությամբ:
Մոսկովյան եւ Համայն Ռուսիո Սրբազան Հայրապետ Ալեքսիյ II-ը վախճանվել է այսօր առավոտյան: Մոսկովյան հայարպետության հաղորդմամբ Ալեքսիյ II-ի մահվան պատճառը սրտի անբավարարվածությունն էր: Ռուս ուղղափառ եկեղեցու առաջնորդը մահացել է այն բանից հետո, երբ վերադարձել է Գերմանիայից, որտեղ անցնում էր բուժման հերթական կուրսը:
