Թեհրանում կորոնավիրուսից տարեց հայ կին է մահացել։ 85-ամյա Էլսիկ Մասիհին մեկ շաբաթ առաջ էր տեղափոխվել Թեհրանի «Մասիհ Դանեշվար» հիվանդանոց, տեղեկացնում է «Արևելքը»:

Հիվանդանոցը կորոնավիրուսի բուժման համար գլխավոր բուժհաստատություններից մեկն է համարվում։

Իրանում կորոնավիրուսից մահացածների թիվը մարտի 5-ի տվյալներով հասել է 107-ի, վարակված է 3513 մարդ, հայտարարել է առողջապահության նախարարության ներկայացուցիչ Կիանուշ Ջահանպուրը: Երկրում կորոնավիրուսի հետագա տարածումը կանխելու համար մինչև մարտի 20-ը փակվել են դպրոցներն ու համալսարանները: