Փարիզի տեղական ինքնակառավարման մարմինների (ՏԻՄ) ընտրություններում մայրաքաղաքի 15-րդ վարչական շրջանի ղեկավարությունը ստանձնելու հիմնական հավակնորդները կլինեն ազգությամբ հայ Անուշ Թորանյանն ու թուրք Ագնես Էվրենը, գրում է Ermenihaber-ը:
Նշվում է, որ Էվրենը Եվրոպական խորհրդարնի գործող պատգամավոր է, նախկինում եղել է 15-րդ շրջանի ղեկավարի տեղակալ: Ավելի քան 250 հազար բնակչություն ունեցող շրջանում Էվրենի ընտրվելու շանսերը բավականին բարձր են գնահատվում:
Ընտրություններում Էվրենի հիմնական մրցակիցը՝ Անուշ Թորանյանը, Սոցիալիստական կուսակցության անդամ է: Նույն կուսակցության անդամ է նաև Փարիզի գործող քաղաքապետ Անն Իդալգոն, որն այս անգամ կրկին առաջադրվել է այդ պաշտոնում:
Փարիզը 20 վարչական շրջան ունի, որոնք համարակալված են՝ սկսված կենտրոնից: Յուրաքանչյուր շրջան իր հերթին բաժանվում է 4 թաղամասի, որոնցից ամեն մեկն ունի իր ոստիկանությունը: Շրջաններից ամենաշատ բնակչությունն ունի 15-րդ շրջանը. 2017-ի տվյալներով դրա բնակիչների թիվը գերազանցում է 250 հազարը:
