Վրաստանում կորոնավիրուսով վարակի հաստատված դեպքերը հասել են 214-ի, ասվում է հիվանդության մշտադիտարկման հատուկ կայքում։
Կարանտինում 4559 մարդ կա, բժիշկների հսկողության տակ՝ 353, գրում է Аpsny.ge-ն:
214 վարակվածից 50-ն արդեն ապաքինվել է, 3-ը՝ վախճանվել։ Հիվանդներից 7-ի վիճակը ծանր է գնահատվում։
Վրաստանում կորոնավիրուսի համաճարակի պատճառով մինչև ապրիլի 21-ն արտակարգ դրություն է հայտարարված, իսկ մարտի 30-ից կարանտին է գործում և պարետային ժամ՝ 21։00-6։00-ն։