ՌԴ-ում կորոնավիրուսով վարակի դեպքերը հասել են 232,243-ի, հայտնել է հիվանդության դեմ պայքարի դաշնային օպերատիվ շտաբը։

Պաշտոնապես հաստատված դեպքերի քանակով ՌԴ-ն առաջ է անցել Իսպանիայից և 2-րդ տեղն է զբաղեցրել աշխարհում ԱՄՆ-ից հետո։

Մայիսի 12-ի դրությամբ Ռուսաստանում ևս 10,899 նոր դեպք է գրանցվել, մայիսի 11-ին հայտարարվել էր 11,656 դեպքի մասին։ Օրական աճը նվազագույնն է եղել համաճարակի բռնկումից ի վեր՝ 4,92%, գրում է ՏԱՍՍ-ը։

100,000 ռուսաստանցու հաշվարկով վարակի 158 դեպք է գրանցվում, Իսպանիայում այդ ցուցանիշը շատ ավելի բարձր է՝ 487։

Ըստ Ջոնս Հոփքինսի համալսարանի, ԱՄՆ-ում հաստատվել է վարակի 1,437,916 դեպք։ Մահացել է արդեն ավելի քան 80,000 հիվանդ՝ դա կազմում է վարկվածների 5,6%-ը։