Twitter-ի աշխատակիցները պանդեմիայից հետո կարող են, ցանկության դեպքում, այլևս երբեք գրասենյակներ չվերադառնալ։ Ընկերությունը թույլ կտա նրանց աշխատել տնից, եթե նրանց պարտականությունները կապված չեն ֆիզիկական ներկայության հետ։

Այդ մասին ասվում է ընկերության գլխավոր տնօրեն Ջեք Դորսիի նամակում, որը հրապարակել է BuzzFeed News-ը:

Ընկերությունը դժվար թե 2020-ի սեպտեմբերից շուտ բացի գրասենյակները, բոլոր գործուղումները ևս մինչ այդ չեղարկված են՝ որոշ բացառություններով։ Twitter-ը նաև մինչև տարեվերջ կչեղարկի բոլոր անձնական միջոցառումներն ու կվերանայի 2021-ի ծրագրերը, իսկ բոլոր աշխատակիցները $1000 հավելավճար կստանան՝ տնից աշխատելիս մթերքի համար։