Հայաստանցիների 14%-ի կարծիքով կնոջ համար ընդունելի է մինչև ամուսնությունը սեռական հարաբերություններ ունենալը, 82%-ի կարծիքով՝ դա այդպես չէ, փոխանցում է Հետազոտական ռեսուրսների կովկասյան կենտրոնը։
Հետազոտության տվյալները կազմվել են փետրվարի 21-ից մարտի 15-ն ընկած ժամանակահատվածում անցկացված հարցումների հիման վրա։
Հարցվածների 91%-ի կարծիքով կնոջ համար ցանկացած տարիքում ծխելն ընդունելի չէ։
69%-ը համարում է, որ կինը չպետք է օգտագործի թունդ ալկոհոլային խմիչքներ:
66%-ի կարծիքով կինն ամուսնությունից առաջ չպետք է ծնողներից առանձին ապրի։
Հայաստանցիների 91%-ի կարծիքով կնոջ համար ամուսնության լավագույն տարիքը 18-25-ն է։
Ինչպես նաև՝ հարցվածների 75%-ն ասել է, որ կնոջ համար ցանկացած տարիքում անընդունելի է ապրել տղամարդու հետ՝ առանց ամուսնանալու։