Ավստրիայի մայրաքաղաքում անցնում է ԵԱՀԿ ղարաբաղյան հակամարտության կարգավորման Մինսկի խմբի համանախագահների երկօրյա խորհրդակցությունը: Ինչպես հաղորդում է «Մեդիամաքս» գործակալությունը, միջնորդները կքննարկեն այն հարցերը, որոնք կլինեն Ադրբեջանի եւ Հայաստանի նախագահների անձնական ներկայացուցիչների հուլիսի 29-30-ը Պրահայում կայանալիք հանդիպման օրակարգում: Համանախագահները կքննարկեն նաեւ երկու պետությունների ղեկավարների առաջիկայում կայանալիք հանդիպման հետ կապված հարցեր: