Վրաստանը պատրաստ է օգնել Հայաստանին կորոնավիրուսի դեմ պայքարում։ Օգնության ձևը կախված կլինի հայկական կողմի մատնանշած կարիքներից։ Այս մասին հայտնել է Վրաստանի առողջապահության նախարար Եկատերինա Տիկարաձեն, փոխանցում է Sputnik Georgia-ն։
Վրաստանի բարձրաստիճան պաշտոնյաները նախկինում մի քանի անգամ ևս հայտարարել էին Հայաստանին օգնելու պատրաստակամության մասին և նշել, որ սպասում են հայկական կողմին դիմելուն։
ՀՀ-ում հուլիսի 7-ի դրությամբ վարակի դեպքերը 29,285-ն են։ Կորոնավիրուսից մահվան 503 դեպք կա, այլ պատճառով՝ 164։ Առողջացածների ընդհանուր թիվը 16,907 է։
Վրաստանում վարակվել է 958 մարդ, որոնցից 838-ն առողջացել են: Մահացել է 15 մարդ: