Արցախում հաստատվել է կորոնավիրուսային հիվանդության 2 նոր դեպք, որոնք կապակցված են Մարտակերտում հաստատված օջախի հետ, տեղեկացնում է ԱՀ առողջապահության նախարարությունը։
Այսպիսով, ընդհանուր առմամբ Covid-19-ն ախտորոշվել է 217 մարդու մոտ, որից 154-ը հաղթահարել է հիվանդությունը: Փաստացի բուժում է ստանում 62, ընդհանուր մեկուսացված է 126 քաղաքացի:
Ապաքինվել է կորոնավիրուսով հիվանդ 1 քաղաքացի: Բժիշկների գնահատմամբ՝ 9 հիվանդի վիճակը ծանր է, 8-ինը՝ միջին ծանրության:
Թեստավորումների նպատակով 217 նմուշառում է իրականացվել: Ընդհանուր առմամբ իրականացվել է 4991 փորձանմուշի հետազոտություն:
Արցախում կորոնավիրուսի համաճարակի բռնկումից ի վեր վարակից մահվան 1 դեպք է գրանցվել։