2 սեպտեմբերի 2020 - 19:04 AMT
Աջակցություն ՀՀ-ից` Սիրիայում օգնության կարիք ունեցող հայ 5000 ընտանիքի

Հայաստանի կառավարությունը Սիրիայի մայրաքաղաք Դամասկոսում և արվարձաններում ապրող արդեն 300 սիրիահայ ընտանիքի օգնություն է տրամադրել։ Հերթը ևս 4750 ընտանիքինն է։ Այս մասին հայտնել է ԱԳՆ խոսնակ Աննա Նաղդալյանը։

Նրա խոսքով՝ կառավարությունը Սիրիայում կարիքավոր հայ ընտանիքներին $100,000-ի օգնություն է հատկացրել ԱԳՆ բյուջետային խնայողություններից։

Սիրիայում 2011 թվականից քաղաքացիական պատերազմ է ընթանում, կռվում են տարբեր զինված խմբավորումներ, օտարերկրյա ուժեր և դրանցից հովանավորվող խմբեր և կառավարական զորքերը։ Հայկական համայնքը նույնպես պատերազմի տարիներին տուժել է, բազմաթիվ սիրիահայեր ստիպված են եղել ներգաղթել Հայաստան։