Սեպտեմբերի 11-ին Կոնգոյի ոսկու հանքերից մեկում փլուզումից ենթադրաբար առնվազն 50 մարդ է զոհվել։ Reuters-ի փոխանցմամբ՝ հանքի ներսում է եղել 50 երիտասարդ, որոնք չեն կարողացել դուրս գալ։
Փլուզման պատճառը տեղատարափ անձրևներն են եղել, հանքը պատկանել է կանադական Banro Corporation ընկերությանը։
Նշվում է, որ Կոնգոյում հանքարդյունաբերական պատահարները տարածված են։ Տարեկան տասնյակ մարդիկ են զոհվում։
Հանքափորների մի մասը համապատասխան պատրաստություն չի անցնում։ 2019-ի ամռանը մոտ 40 մարդ էր մահացել Կոնգոյի պղնձի հանքերից մեկում, նրանք անօրինական աշխատողներ էին։