«Քաղաքացիական պայմանագիր» կուսակցությունը նոր ձևաչափ է ձևավորել, որտեղ օրենսդիր և գործադիր մարմինների ներկայացուցիչները քննարկում են օրակարգային հարցեր։ Այդ մասին ՔՊ նիստից հետո լրագրողներին ասել է ԱԺ փոխնախագահ Ալեն Սիմոնյանը։
«Այսօրվա օրակարգային հարցը վերաբերում էր տնտեսությանը՝ կորոնավիրուսի պայմաններում» , - ասել է Սիմոնյանը, գրում է Aysor.am-ը։
Նրա խոսքով՝ այլ կուսակցությունների հետ հարաբերությունների մասին քննարկումներ չեն եղել։
Սիմոնյանն ասել է, թե այս ձևաչափով հանդիպումները լինելու են շարունակական։
Սեպտեմբերի 17-ի երեկոյան «Քաղաքացիական պայմանագիր» կուսակցությունը նիստ է հրավիրել, որին մասնակցել է նաև վարչապետ Նիկոլ Փաշինյանը: Հավաքին մասնակցել են նաև մարզպետները, կառավարության այլ անդամներ։