Պռոշյան կոնյակի գործարանի մասնաճյուղում հրդեհից տուժած 4 պացիենտից մեկը մահացել է, տեղեկացնում է առողջապահության նախարարությունը։
Հրդեհի հետևանքով տուժած պացիենտները բուժում են ստանում ԱՆ Այրվածքաբանության ազգային կենտրոնում:
Մեկ պացիենտ դուրս է գրվել:
Մյուս 2 տուժածի առողջական վիճակը գնահատվում է միջին ծանրության, վերջիններս վերակենդանացման բաժանմունքից տեղափոխվել են այրվածքային բաժանմունք:
«Անհրաժեշտ բոլոր միջոցառումներն իրականացվում են»,- ասվում է հաղորդագրության մեջ:
Սեպտեմբերի 1-ին Պռոշյանի կոնյակի գործարանում պայթյունից ու հրդեհից մահացել էին զոդողը և մասնաճյուղի տնօրեն Լևոն Ալեքսանյանը։ Գործարանում աշխատանքը դադարացվել էր։