ՀՀ վարչապետը Նիկոլ Փաշինյանը հեռախոսազրույց է ունեցել Իրանի նախագահ Հասան Ռոհանիի հետ՝ անդրադառնալով տարածաշրջանում տիրող իրավիճակին և զրուցակցի ուշադրությունը հրավիրելով ռազմական գործողություններում Թուրքիայի անմիջական ներգրավվածության փաստի վրա:
Փաշինյանն այդ մասին նաև որոշ մանրամասներ է ներկայացրել: Իրանի նախագահը մտահոգություն է հայտնել իր հարևան երկու պետության միջև առկա լարվածությամբ և շարունակվող ռազմական գործողություններով:
Վարչապետ Փաշինյանը շարունակում է հեռախոսազրույցների շարքն օտարերկրյա պետությունների և միջազգային կազմակերպությունների ղեկավարների հետ:
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։