«Հայփոստը» ծանրոցներն անվճար կուղարկի զինված ուժերի զորքերին։
Զինվորներին իրային պարագաներով ծանրոցներ ուղարկել ցանկացողները կարող են ծանրոցներով մոտենալ «Հայփոստի» ցանկացած բաժանմունք և՝ նշելով ք. Երևան, Արցախի 61 հասցեն, անվճար ուղարկել ցանկացած քաշի և ծավալի ծանրոց:
«Հայփոստով» Արցախ ուղարկվող ծանրոցների սակագինը սահմանվել է 0 դրամ:
Անհրաժեշտ իրերի ցանկում անձնական հիգիենայի պարագաներ են՝ ատամի մածուկ, խոզանակ, օճառ, սափրվելու պարագաներ, զուգարանի թուղթ, ստերիլ բինտեր, քնապարկ, գուլպաներ և անդրավարտիք:
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
Զինված ուժերին նվիրատվություն կարելի է կատարել «Հայաստան» հիմնադրամի կայքում, ինչպես նաև փոխանցումներ անելով Կենտրոնական բանկի հատուկ հաշվեհամարներին (դրամով, դոլարով, ռուբլիով, եվրոյով):