Սեպտեմբերի 30-ի դրությամբ վերջին 24 ժամվա ընթացքում հակառակորդը 130 զինծառայող է կորցրել, 200 վիրավոր ունի, հայկական զինված ուժերը խոցել են 29 տանկ ու զրահատեխնիկա, 3 ՏՈՍ ծանր հրետանային համակարգ, 1 «Սմերչ» տեսակի համազարկային կրակի կայան և 11 անօդաչու թռչող սարք(ԱԹՍ), հայտարարել է պաշտպանության նախարարության ներկայացուցիչ Արծրուն Հովհաննիսյանը՝ հավելելով, որ ՊԲ-ն համապատասխան փաստեր ունի։

Հովհաննիսյանը հայտնել է, որ սեպտեմբերի 30-ի առավոտից օդային հարվածներով թիրախավորվում են Մարտունու և Հադրութի շրջանի խաղաղ բնակիչները, այդ հարվածները ղեկավարվում են Թուրքիայի ռազմաօդային ուժերի կողմից։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։