Արցախի Մարդու իրավունքների պաշտպան Արտակ Բեգլարյանը Twitter-ում իր միկրոբլոգում ներկայացրել է Արցախի դեմ ադրբեջանական ագրեսիայի հետևանքով մահացած և վիրավորված քաղաքացիական անձանց գտնվելու վայրի ինֆոգրաֆիկան։
Նշվում է, որ Արցախի խաղաղ բնակիչները, որոնք զոհվել կամ վիրավորվել են ադրբեջանցիների թիրախավորման հետևանքով, հիմնականում գտնվել են իրենց տներում կամ բնակարաններում։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
Նվիրատվությունները կարելի է կատարել «Հայաստան» հիմնադրամի կայքում, ինչպես նաև փոխանցումներ կատարելով Կենտրոնական բանկի հատուկ հաշվեհամարներին (դրամով, դոլարով, ռուբլիով, եվրոյով):
