ՌԴ նախագահ Վլադիմիր Պուտինն Անվտանգության խորհրդի մշտական անդամների հետ խորհրդակցության ժամանակ տեղեկացրել է, որ Ռուսաստանը, ԱՄՆ-ն և Ֆրանսիան համատեղ հայտարարություն են պատրաստում ԼՂ իրավիճակի վերաբեյալ։ Այդ մասին հայտարարել է նրա մամուլի քարտուղար Դմիտրի Պեսկովը։
«Խորհրդակցության ժամանակ հատուկ ուշադրություն է դարձվել Ղարաբաղում, շփման գծում ստեղծված իրավիճակին»,- ասել է Պեսկովը, գրում է ՌԻԱ Նովոստին։
Նա հավելել է, որ մեկ անգամ ևս ծայրահեղ մտահոգություն է արտահայտվել շարունակվող մարտերի կապակցությամբ։
ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը հայտարարել էր նաև, որ երրորդ երկրի ցանկացած մասնակցություն հակամարտությանը կարող է ունենալ ծայրահեղ բացասական հետևանքներ։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
