ԵԱՀԿ Մինսկի խմբի համանախագահ երկրների՝ ՌԴ, Ֆրանսիայի և ԱՄՆ նախագահներ Վլադիմիր Պուտինը, Էմանուել Մակրոնն ու Դոնալդ Թրամփը հայտարարություն են տարածել՝ կոչ անելով անհապաղ դադարեցնել մարտական գործողությունները ղարաբաղյան հակամարտության շփման գծում։
Եռակողմ հայտարարությամբ խստորեն դատապարտվում է բռնության սաստկացումը շփման գծում, հայտնում են Կրեմլից։
«Մենք ողբում ենք զոհվածների համար և ցավակցություն հայտնում սպանվածների և վիրավորների ընտանիքներին։ Մենք կոչ ենք անում անհապաղ դադարեցնել մարտակն գործողություննրը մասնակից կողմերի զինված ուժերի միջև։
Նաև կոչ ենք անում ՀՀ և Ադրբեջանի ղեկավարությանը անհապաղ պարտավորություն ստանձնել՝ առանց նախապայմանների և բարեխղճորեն վերսկսելու բանակցությունները կարգավորման բովանդակության շուրջ, ԵԱՀԿ Մինսկի խմբի համանախագահների աջակցությամբ»,- ասվում է հայտարարության մեջ։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
