Փետրվարի 19-20 Վիենայում կկայանա ԵԱՀԿ Խորհրդարանական Վեհաժողովի (ԽՎ) 8-րդ ձմեռային նստաշրջանը, որին նախագահելու է Հունաստանի արտգործնախարար Դորա Բակոյանիսը: Ենթադրվում են ավստրիական խորհրդարանի նախագահ Բարբարա Պրամմերի, ՆԱՏՕ ԽՎ նախագահի, ԱՄՆ կոնգրեսական Ջոն Թանների եւ ԵԱՀԿ ԽՎ նախագահ Ժոաո Սոարեշայի ելույթները: Նստաշրջանի ընթացքում կքննարկվի անվտանգության եվրոպական ճարտարապետությունը:

Ինչպես PanARMENIAN.Net-ին հաղորդել են ԵԱՀԿ ԽՎ մամլո ծառայությունում, նստաշրջանի գլխավոր հարցերից մեկը լինելու է եվրոպական անվտանգության միջոցների վերաբերյալ Ֆրանսիայի եւ ՌԴ նախագահներ Նիկոլյա Սարկոզիի եւ Դմիտրի Մեդվեդեւի նախաձեռնության հատուկ քննարկումները:

ԵԱՀԿ ԽՎ ձմեռային նստաշրջանը նախապատրաստություն է տարեկան նիստի համար, որը կկայանա հունիսի 29 - հուլիսի 3 Վիլնյուսում: