Հովհաննիսյան․ Ստեփանակերտին խփեցին, կան վիրավորներ
Ադրբեջանական կողմը հոկտեմբերի 2-ին հարվածել է Արցախի մայրաքաղաք Ստեփանակերտին, ֆեյսբուքյան իր էջում տեղեկացրել է պաշտպանության նախարարության ներկայացուցիչ Արծրուն Հովհաննիսյանը։
«Ստեփանակերտին խփեցին»,- գրել է նա։
Հովհաննիսյանը նաև հավելել է՝ Ստեփանակերտում կան քաղաքացիական ենթակառուցվածքների բազում վնասվածքներ, վիրավորներ։
«Տուժել է փրկարար ծառայությունը»,-գրել է նա։
Ավելի վաղ ադրբեջանական կողմը երկու անգամ «Սմերչով» հարվածել էր Հադրութին:
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
