Արցախում ադրբեջանական զինված ուժերին պատկանող և իսրայելական արտադրության հերթական չպայթած հրթիռի բեկորներ են գտնվել։

«Վոեննիյ Օբոզրևատել» տելեգրամյան ալիքի փոխանցմամբ, ենթադրաբար, այն նույնականացվել է որպես EXTended Range Artillery կամ EXTRA տիպի հրթիռ՝ արտադրված IMI Israel Military Industries ընկերության կողմից։

Աղբյուրը նաև լուսանկարներ է փոխանցել չպայթած հրթիռից ու նշել, որ այդ տիպի մարտական հրթիռն ունի 20-150 կմ խոցման հնարավորություն։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։