ՀՀ պաշտպանության նախարարությունը հայտարարել է, որ Նախիջևանի Օրդուբադ շրջանի ուղղությամբ որևէ հրթիռ չի արձակվել։ Սա Ադրբեջանի ռազմաքաղաքական ղեկավարության հերթական սուտն է, որի նպատակը հակամարտության աշխարագրությունն ընդլայնելն է։

Ադրբեջանը սեպտեմբերի 27-ից սկսած պարբերաբար սադրանքներ է կատարում ՀՀ տարածքի նկատմամբ՝ փորձելով ընդլայնել Արցախում իր սանձազերծած մարտերի աշխարհագրությունը։

Հոկտեմբերի 14-ին ադրբեջանական զինուժը թիրախավորել էչ Հայաստանի տարածքում, Քարվաճառի հետ սահմանակից գոտում մարտական հերթապահություն իրականացնող մարտական տեխնիկա։ ՀՀ ՊՆ-ն հայտնել էր, որ Հայաստանի տարածքից որևէ հրթիռ, արկ կամ գնդակ չի արձակվել Ադրբեջանի ուղղությամբ, իսկ այսուհետ ՀՀ ԶՈւ-ն իրեն իրավունք է վերապահում նույն տրամաբանությամբ թիրախավորել Ադրբեջանի տարածքում գտնվող ցանկացած ռազմական օբյեկտ կամ ռազմական տեղաշարժ։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։