Արցախում կարիք կա մասնագետ կամավորների, հիմնականում համեմատաբար անվտանգ հատվածներում աշխատելու համար.վարորդ, հացթուխ, դերձակ, շինարար, լրագրողների հետ աշխատող թարգմանիչ։ Այդ մասին ֆեյսբուքյան իր էջում գրել է ԱԺ «Իմ քայլը» խմբակցության անդամ Գայանե Աբրահամյանը։
«Այս օրերին Արցախում մեր աշխատանքի մի մասն էր նաև կարիքների գնահատումը, որոշ բաներ տեղում կկարողանանք կարգավորել ու կազմակերպել ինքներս, բայց մի հարցով պետք է դիմենք բոլորիդ օգնությանը․․․ Խնդրում եմ այս գրառմանս տակ կամ անձնական նամակով գրել։ Բոլորիս ամենափոքր օգնությունն անգամ կենսական է», - ասվում է գրառման մեջ։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է լայնածավալ հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ երկրի ամբողջ տարածքում։