Ռուսաստանը չի բացառում, որ հնարավոր է սահմանափակումներ կիրառվեն Ադրբեջանից ներմուծվող բուսական արտադրանքի նկատմամբ։ Ըստ ՏԱՍՍ-ի՝ պատճառը դրանց մեջ հայտնաբերվող վնասատուներն են։
Եթե Ադրբեջանը չվերանայի և չխստացնի Ռուսաստան ուղարկվող բուսական արտադրանքի վերահսկողությունը, Ռոսսելխոզնադզորը ստիպված կլինի սահմանափակումներ կիրառել։
Նշվում է, որ 2020-ին արդեն վնասատուների հայտնաբերման 76 դեպք է գրանցվել, մեծ մասը՝ լոլիկների մեջ։ Յուրաքանչյուր դեպքի համար ադրբեջանական կողմը ծանուցվել է։
Ըստ Ռոսսելխոզնադզորի՝ լոլիկներում միջատների առկայությունը կարող է վկայել, որ ներմուծվող բանջարեղենների մի մասն այլ երկրների ծագման է: Վնասատուներ են հայտնաբերվել նաև ԵԱՏՄ այլ անդամ երկրներ ներմուծվող արտադրանքում։