Հոկտեմբերի 28-ի կեսօրին ռազմական ավիահրթիռներով ռմբակոծվել է նաև Շուշին, քաղաքացիական 2 անձ վիրավորվել են, մեկը՝ զոհվել, փոխանցում են Արցախի արտակարգ իրավիճակների պետական ծառայությունից։

«Քաղաքում կան բազմաթիվ ավերածություններ, այդ թվում՝ ամբողջությամբ ավերվել է բնակելի մեկ առանձնատուն, մասնակի վնասվել է Խաչատուր Աբովյանի անվան դպրոցը»,- նշվում է հաղորդագրության մեջ։

Արցախի ԱԻՊԾ-ից ավելի ուշ հայտնեցին, որ Շուշիում հրթիռակոծությունից հետո մարդասիրական առաքելություն իրականացնելիս3 փրկարար է վիրավորվել։

Հոկտեմբերի 28-ին Ադրբեջանի զինված ուժերը նաև թիրախավորել են Ստեփանակերտի ծննդատունը։

Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։