Հոկտեմբերի 28-ի առավոտյան Ֆրանսիայում Արցախի ճանաչմանն ուղղված ակցիայի ընթացքում թուրքերի մի խումբ դանակներով, մահակներով և մուրճերով հարձակվել է հայ ցուցարարների վրա։ Նախնական տեղեկություններով՝ վիրավորվել է մոտ 10 հայ, այդ թվում՝ կին և երեխա։
Ըստ Սփյուռքի գլխավոր հանձնակատարի գրասենյակի՝ մուրճի հարված ստացած հայ երիտասարդի վիճակը ծանր է:
Ֆրանսիայի հայերը երկու կողմից փակել էին դեպի Վալանս տանող A7 մայրուղին: Ակցիան խաղաղ էր։ Հայերը ոստիկաններին են փոխանցել հարձակումից հետո վերցրած մուրճը։
Ավելի ուշ համացանցում տարածվել էր երիտասարդին հարվածած թուրքի լուսանկարը՝ մուրճը ձեռքին։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։