2020-ի կտրվածքով բյուջեի վերանայված պլանի մոտ 40 մլրդ դրամի գերակատարում է սպասվում, պատերազմի ընթացքում հարկ վճարողներն ավելի պարտաճանաչ են դարձել, հայտարարել է վարչապետ Նիկոլ Փաշինյանը։
Նա նշել է, որ ինքն աշխատանքային հանդիպում է ունեցել Պետական եկամուտների կոմիտեի նախագահ Էդուարդ Հովհաննիսյանի հետ։
«Սա մեր հանրության դիմակայունության կարևոր ցուցիչ է։ Համազգային համախմբման փայլուն օրինակ։ Հպարտանում եմ մեր գործարարներով»,- գրել է վարչապետը։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։
Ընթերցեք նաև․ Հարկային արտոնություններ՝ ՀՀ-ին օժանդակություն ուղարկողներին