Դանիայի հայկական համայնքը շտապ օգնության մեքենաներ է նվիրել Հայաստանին։ Այդ մասին ֆեյսբուքյան իր էջում տեղեկացրել է առողջապահության նախարարի խորհրդական Աշոտ Սարգսյանը։
«Սփյուռք ունենք, աշխարհը չունի: Այս շտապ օգնության մեքենաները Դանիայի համայնքի կողմից նվեր է մեր առողջապահության նախարարությանը, որը զբաղվում է վիրավորների տեղափոխմամբ և ոչ միայն: Միասին հաղթելու ենք»,- ասվում է գրառման մեջ։
Նախարարությունն արդեն ստացել է դրանք՝ խորհրդականը տեսանյութ է հրապարակել։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։