ԱՄՆ Ընդհանուր ծառայությունների վարչության ղեկավար Էմիլի Մերֆին Ջո Բայդենին տեղեկացրել է, որ նրանց պաշտոնապես հաստատել են որպես նախագահական ընտրություններում ակնհայտ հաղթող թեկնածու և սկսելու է իշխանության փոխանցման գործընթացը։
Ավելի վաղ Բայդենը Մերֆիին ու նրա ղեկավարած գործակալությանը մեղադրել էր իշխանության սահուն փոխանցման գործընթացին չօժանդակելու համար։ Fox News-ի փոխանցմամբ՝ նա Բայդենին ուղղված նամակում տեղեկացրել է, որ իր վրա ոչ մի ճնշում չի եղել, ոչ մեկ իրեն ուղղություն չի տվել։
Գործող նախագահ Դոնալդ Թրամփը դեռ հրաժարվում է ճանաչել ընտրությունների արդյունքները՝ իր մրցակցին մեղադրելով ընտրակեղծարարությունների համար։ Նրա թիմը պատրաստվում է վիճարկել ընտրությունների արդյունքները։
ԱՄՆ-ում նախագահական ընտրություններից հետո երկրի 46-րդ ղեկավար է ընտրվել Դեմոկրատների թեկնածու Ջո Բայդենը։ Նա հաղթել է գործող նախագահ Դոնալդ Թրամփին։