Արցախում որոնողական աշխատանքների ընթացքում Կովսականի ուղղությամբ (Զանգելան) հայտնաբերվել է 14 զինծառայողի դի, PanARMENIAN.Net-ին ասաց ԱՀ արտակարգ իրավիճակների պետական ծառայության տեղեկատվության և հասարակայնության հետ կապերի բաժնի պետ Հունան Թադևոսյանը:
Ընդհանուր առմամբ, 2020-ի նոյեմբերի 13-ից մինչև 2021-ի հունվարի 10-ը որոնողական աշխատանքների արդյունքում գտնվել է 1211 զինծառայողի ու քաղաքացիական անձի մարմին։
Հունվարի 11-ին ևս որոնողական աշխատանքները շարունակվում են Ասկերանի վերին ենթաշրջանում՝ Սղնախ-Ավետարանոց ուղղություններում, Հադրութում, Մարտունիում, Ջաբրայիլում (Մեխակավան) և Կուբաթլուում (Որոտան)։
Սեպտեմբերի 27-ին Արցախի դեմ սանձազերծված 44-օրյա պատերազմից հետո դեռ շարունակվում են անհետ կորած զինծառայողների որոնողական աշխատանքները։ Նրանց թվի մասին առայժմ պաշտոնական տվյալներ չկան։