Արցախի նախագահի աշխատակազմի ղեկավար Արտակ Բեգլարյանը Twitter-ի իր միկրոբլոգում գրել է, որ Ադրբեջանը շարունակում է կոպտորեն խախտել միջազգային մարդասիրական իրավունքը՝ շահարկելով գերեվարված քաղաքացիական անձանց և ռազմագերիների հարցը:
«Բազմաթիվ ռազմագերիներ ու պատերազմական ժամանակի քաղաքացիական անձինք, 64 ռազմագերի ու որոշ քաղաքացիական անձինք հետպատերազմյան ժամանակահատվածում բանտարկվել են Ադրբեջանում առանց ԿԽՄԿ-ի և ռուս միջնորդների հաստատման»,- նշել է Բեգլարյանը:
Վարչապետ Նիկոլ Փաշինյանը Մոսկվայում Պուտին-Փաշինյան-Ալիև եռակողմ հանդիպման ավարտին հայտարարել է, որ դրա ընթացքում չի հաջողվել լուծել ռազմագերիների հարցը, աշխատանքները շարունակվելու են։