Ազգային ժողովում կառավարության հետ հարցուպատասխանին ու Բաղրամյան պողոտայում Հայրենիքի փրկության շարժման հանրահավաքին ընդառաջ՝ խորհրդարանի դարպասները զոդվում են, պողոտայում մեծ թվով ոստիկանական ուժեր են կենտրոնացել, փոխանցում է Aysor.am-ը։
Ազգային ժողովի շենքի ներսում՝ պատշգամբներին, տեղակայվել են դիպուկահարներ։
Վարչապետ Նիկոլ Փաշինյանն արդեն ԱԺ-ում է, ընդմիջումից հետո մեկնարկելու է Ազգային ժողով - Կառավարություն հարցուպատասխանը։
Չնայած հայտարարվել էր, որ ընդդիմության հանրահավաքը մեկնարկելու է 16։00-ին, ժամը 16։30-ի դրությամբ այն դեռ չի սկսվել։ ԱԺ շենքի դիմաց են վարչապետի հրաժարականը պահանջող քաղաքացիները։
Ավելի վաղ ոստիկանությունից զգուշացրել էին, որ մարտի 3-ի հանրահավաքի ժամանակ հնարավոր են սադրանքներ։ Կառույցից կոչ էին արել զանգվածային միջոցառումներն իրականացնել բացառապես օրենքի շրջանակում, զերծ մնալ հակաիրավական քայլերից ու չտրվել սադրանքների։