ԱՄՆ-ն լրացուցիչ ավելի քան $8 մլն կուղղի Հայաստանի ենթակառուցվածքային ծառայությունների բարելավման աջակցության ծրագրերին։
Գործադիրն ապրիլի 15-ի նիստում հավանություն է տվել ՀՀ և Ամերիկայի Միացյալ Նահանգների կառավարությունների միջև «Ավելի մրցունակ և զանազանեցված մասնավոր հատվածի շուրջ օժանդակության» համաձայնագրի թիվ տասնհինգ փոփոխության ստորագրման առաջարկությունը:
ԱՄՆ ՄԶԳ կողմից ներկայացված թիվ 15 փոփոխության նախագծով նախատեսվում է լրացուցիչ 8,200,000 դոլարի չափով ֆինանսական հատկացումների իրականացում, որն ուղղվելու է ենթակառուցվածքային ծառայությունների բարելավմանը։
Նախատեսվում է նաև երկարացնել համաձայնագրի գործողության ժամկետը միչև 2025 թվականը։
ԱՄՆ կողմից տրամադրվող հատկացումների ընդհանուր գումարը ներկայումս կազմում է 91,800,980 դոլար: