Ապրիլի 23-ին` ժամը 23:00-ին, ի ոգեկոչումն Հայոց ցեղասպանության սուրբ նահատակների հիշատակի, կհնչեն Հայոց եկեղեցու բոլոր տաճարների զանգերը, տեղեկացնում է Մայր Աթոռի տեղեկատվական համակարգը։

Հիշատակի միջոցառումը կկայանա Ամենայն հայոց կաթողիկոս Գարեգին Երկրորդի տնօրինությամբ։

Նույն ժամին Ծիծեռնակաբերդի տարածքում կմեկնարկի «Հիշատակի եռերգություն» միջոցառումը, որի շրջանակում Հայաստանի ազգային ֆիլհարմոնիկ նվագախումբը և Հայաստանի պետական ակադեմիական երգչախումբը` դիրիժոր Էդուարդ Թոփչյանի ղեկավարությամբ, կկատարեն Ջուզեպե Վերդիի «Ռեքվիեմը»։

Ապրիլի 23-ին տեղի կունենա նաև ավանդական ջահերով երթը։