Ադրբեջանի նախագահի օգնական, արտաքին քաղաքականության հարցերի գծով բաժնի վարիչ Հիքմեթ Հաջիևը Բրյուսելում հանդիպել է ԵՄ հարևանության և ընդլայնման հարցերով հանձնակատար Օլիվեր Վարգեյիի հետ։
Քննարկվել են Լեռնային Ղարաբաղին և էներգետիկ նախագծերին առնչվող հարցեր, գրում է Interfax.az-ը՝ Վարգեյիի թվիթերյան գրառմանը հղումով։
«Հանդիպման ընթացքում քննարկվել են ԵՄ-Ադրբեջան երկկողմ գործակցության, Լեռնային Ղարաբաղի, կորոնավիրուսի պանդեմիայից հետո տնտեսության վերականգնման հարցեր, ինչպես նաև ТАР գազամուղի պոտենցիալը»,-ասվում է գրառման մեջ։