Նորընտիր խորհրդարանում «Քաղաքացիական պայմանագիր» կուսակցությունը կունենա սահմանադրական մեծամասնություն և կձևավորի կառավարություն։ Այդ մասին ֆեյսբուքյան իր էջում գրել է վարչապետի պաշտոնակատար, ՔՊ առաջնորդ Նիկոլ Փաշինյանը։

Ավելի վաղ նա գրել էր, որ հունիսի 21-ին՝ ժամը 20.00-ին, հավաքվելու են Հանրապետության հրապարակում՝ «իրականացնելու ժողովրդի կողմից Պողպատե մանդատը նորընտիր վարչապետին հանձնելու հանդիսավոր արարողություն-հանրահավաքը»։

«Քաղաքացիական պայմանագիր» կուսակցությունը, բոլոր տեղամասերի ձայների հաշվարկով, ստացել է քվեների 53.92%-ը, ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքը՝ 21.04%-ը, «Պատիվ ունեմ» դաշինքը՝ 5.23%։