Covid-19-ի դեմ պատվաստումների մեկնարկից ի վեր հուլիսի 11-ի դրությամբ` կատարվել է 108,107 պատվաստում, որից առաջին դեղաչափ` 77,449, երկրորդ` 30,658։
AstraZeneca-ով, «Սպուտնիկ-V»-ով և CoronaVac-ով պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով, տեղեկացնում է Առողջապահության նախարարությունը։
Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել է հերթապահություն՝ ժամը 10։00-16։00-ն։
Նախապես պետք է զանգահարել նախընտրած պոլիկլինիկա` անկախ կցագրումից, և գրանցվել պատվաստման համար։
Կարող են պատվաստվել նաև օտարերկրյա քաղաքացիները: Պատվաստումներն անվճար են:
Հայաստանում կորոնավիրուսի համաճարակով պայմանավորված կարանտինը երկարաձգվել է ևս 6 ամսով. մինչև դեկտեմբերի 20-ը: