21 հուլիսի 2021 - 11:18 AMT
ՀՀ-ում կորոնավիրուսի 220 նոր դեպք կա և 1 մահ

Հուլիսի 21-ի՝ ժամը 11:00-ի դրությամբ, հաստատվել է կորոնավիրուսի 220 նոր դեպք, վարակվածների ընդհանուր թիվը հասել է 227,936-ի: Այդ մասին տեղեկացնում է ԱՆ Հիվանդությունների վերահսկման և կանխարգելման ազգային կենտրոնը։

Մահվան 1 դեպք է գրանցվել կորոնավիրուսից: Ընդհանուր առմամբ, կորոնավիրուսից մահվան 4573 դեպք կա, այլ պատճառով՝ 1111։

Ապաքինվել է ևս 56 մարդ։ Առողջացածների ընդհանուր թիվը 218,585 է։

Կորոնավիրուսից փաստացի բուժվողների թիվն աճել է՝ հասնելով 3665-ի։

Հուլիսի 20-ին կատարվել է 4875 թեստավորում, ընդհանուր առմամբ 1,282,345 թեստ է արվել: